Agjencia Evropiane për Hapësirë ka nisur një satelit, pranë Diellit, yllit që është në qendër të sistemit tonë diellor për një mision historik.
Orbituesi diellor është projektuar për të përballuar temperatura mbi 900 gradë dhe është lëshuar nga Cape Canaveral në Florida në orët e vona të së dielës. Anija kozmike do të përpiqet të realizojë imazhet e para të poleve veriore dhe jugore nga kënde më të afërta se kurrë më parë.
Sonda do të shfrytëzojë gravitetin nga Venusi dhe Toka për të dalë jashtë orbite në një linjë me ekuatorin e Diellit ku orbitojnë të gjitha planetet.
Misioni 1.5 miliard dollarësh përfshin kamera dhe sensorë që synohet të zbulojnë të dhëna të reja rreth asaj se si funksionon ylli kryesor i planetit Tokë.
Shkencëtarët shpresojnë se prej andej anija kozmike do të arrijë të hedhë një vështrim në polet e diellit dhe se do të kuptojnë më mirë çfarë e nxit dinamikën që ka Dielli./Opinion.al
