500 kilogramë mish dhe nënprodukte të ngrira të tij, janë sekuestruar nga AKU në Korçë. Ndërkohë, pronari i dyqanit që i tregtonte, 57-vjeçari Nazar Dvorani, u ndalua nga policia. Mishi mbante mbishkrime greke.
Kjo nuk është hera e parë, që këtij i tregtari i sekuestrohet mish jashtë standardeve. Më 1 gusht 2018, atij i janë sekuestruar 350 kg mish. Megjithatë nuk e ka ndërprerë punën. Tregtari e ka tjetërsuar atë mish me 500 kg kontrabandë, pra pa asnjë dokumentacion.
Materialet iu referuan Prokurorisë pranë Gjykatës së Shkallës së Parë Korçë për veprat penale “Tregtimi dhe transportimi i mallrave që janë kontrabandë” dhe “Ruajtja ose depozitimi i mallrave kontrabandë”.
