Teksa Shqipëria do të përballet me Italinë për ndeshjen e saj të parë në Euro 2024, media dixhitale “Savoir Sport” i ka kushtuar një videomesazh futbollistit të kombëtares kuqezi, Marash Kumbulla.
Në video tregohet se si ai është lindur e rritur në Itali dhe tani do të ndeshet kundër saj në krahun e kuqezinjve.
Marashi në videomesazh shpreh sa e veçantë është kjo sfidë për të dhe falenderon Italinë që ka mirëpritur familjen e tij.
Ndër të tjera, ai falenderon tifozët dhe premton se ekipi do të shpërblejë të gjithë mbështetjen që ka marrë prej tyre.
“Kemi dashur të festojmë këtë moment për Marashin tonë përmes një rrëfimi emocionues.
Rrugëtimi ynë nis tani. E nisim me një sfidë shumë të veçantë për mua. Shqipëria dhe Italia më përfaqësojnë. I jam shumë mirënjohës Italisë për mikpritjen që i ka bërë familjes time: është vendi ku jam lindur dhe rritur. Tani jemi përballë si rivalë, por historia jonë do të na bashkojë përgjithmonë. Objektivi ynë në këtë Europian është që t’i bëjmë tifozët tanë krenarë. Ju keni besuar gjithmonë tek ne, nuk kemi munguar kurrë sa herë është dashur dhe na keni mbështetur. Tani na takon ne që të shpërblejmë të gjitha sakrificat tuaja: Forca Shqipëria, të bashkuar për një rrugëtim të mrekullueshëm!”, thuhet në videomesazh.
View this post on Instagram
