Edhe pse policia hodhi dyshime mbi bashkëshortin e saj, prindërit e këtij të fundit kanë deklaruar sot se 18-vjeçarja në Çukas të Fierit i ka dhënë fund jetës duke u vetëhelmuar për shkak të bullizimit në shkollë.
Vjehrra e së resë, Sajmira Drajçi tregon se çifti janë dashuruar dhe se djali i saj ka marrëdhënie shumë të mira me familjen e nuses.
Për gazetarët ajo tregon dhe mesazhet e fundit me 18 vjeçaren.
“Do mbajnë përgjegjësi që e kanë nxjerrë në çdo vend për çunin. Se dilni e flisni me tërë botën, nëse kjo familje ka pasur dhunë, atëherë kanë të drejtë, por jo t’i bien portalet. E ka telefonin policia, nuk e ka shantazhuar fare. E kanë pyetur djalin, nuk është dhunuar. Çuni është tek njerëzit e nuses. Vajtëm ne atje, na kanë rënë në qafë. Nuk jemi ne nga ajo lloj familjeje. Nuk bën vaki në asnjë lloj mënyrë që të ndodhte kjo gjë nga ana e çunit. E ka mbajtur në pëllëmbë të dorës. Nuk janë zënë kurrë moj motër. E kemi mbajtur dhe më përpara në shtëpi, 25 ditë kanë që janë martuar. Ne punonim, nusja dilte bridhte me çunin ku t’i donte kokrra e qejfit. Nuk ka pasur ankesë, në asnjë mënyrë. Vetëm qeshte, e di tërë fshati. Ka qenë e ngarkuar në shkollë, ishte viti i tretë gjimnaz. I kanë hedhur llafe moshataret e saj, i thamë ta kanë inatin. Shoqe me shoqe, kush e di moj zemër. Janë njohur me dashuri, me rrjete sociale. Çuni me njerëzit e nuses janë shumë afër. Neve nuk na ka dalë kurrë nga shtëpia që të thuash se pati torturë. I tha çunit do iki të jap një provim dhe do vij, çuni i rrinte pronto.”
Ajo rrëfen se ditën që ndodhi ngjarja e rëndë, e reja shkoi në shkollë për të dhënë një provim.
“Ja mesazhet. Mirëmengjes a je mirë? Njësoj ma, mezi po rri në këmbë se kam ethe.Muhabet grash…Do shkoj në shkollë se kam një provim dhe do vij. Mirë i them unë dhe unë shkoj në punë. Nusen e kam pasur shumë të rregullt, se nga kush i ka ardhur nuk dimë gjë.”
“Këtë nuse e quani të dhunuar?!, thotë Sajmira duke shfaqur fotot e çiftit në telefon./tvklan
