Ditën e sotme ka ndodhur një konflikt në fshatin Thirrë të Mirditës.
Sipas uniformave blu bëhet me dije se 54-vjeçari B.N është dhunuar fizikisht nga 4 shtetas, që dyshohet të jenë vëllezër, të cilët janë shpallur në kërkim nga policia.
Ndërkohë shtetasi B. N., 54 vjeç ka shkuar për ndihmë mjekësore në spitalin e Rrëshenit, ku më pas është transportuar në Spitalin e Traumës Tiranë, për asistencë mjekësore më të specializuar.
“Rreth orës 13:45, në spitalin rajonal të Rrëshenit, ka shkuar për ndihmë mjekësore, i dëmtuar fizikisht, shtetasi B. N., 54 vjeç, banues në fshatin Thirrë, Mirditë, i cili më pas është transportuar në Spitalin e Traumës Tiranë, për asistencë mjekësore më të specializuar.
Nga hetimet e deritanishme, dyshohet se 54-vjeçari është dhunuar fizikisht nga shtetasit N. M., M. M., E. M. dhe L. M. (vëllezër), të cilët janë shpallur në kërkim nga shërbimet e Policisë dhe po punohet për kapjen dhe shoqërimin e tyre.
Nga veprimet hetimore dhe procedurale të kryera deri më tani, dyshohet se këta shtetas janë konfliktuar ditën e sotme për shkak të një konflikti për motive të dobëta që ka ndodhur ndërmjet tyre para disa kohësh, dhe nuk ka lidhje me motive të tjera që janë përmendur në disa portale”, tha policia.
Grupi hetimor vijon veprimet hetimore, në drejtimin e Prokurorisë, për dokumentimin e plotë ligjor të kësaj ngjarjeje./Opinion.al
