Verifikimi i figurës për kancelarët në detyrë në sistemin e prokurorisë do të kryhet nga Këshilli i Lartë i Prokurorisë.
Në dispozitat kalimtare për Sekretarin e Përgjithshëm dhe Kancelarin parashikohet se Këshilli i Lartë i Prokurorisë “kryen verifikimin e figurës dhe të pasurisë, si dhe plotësimin e kushteve dhe procedurave të parashikuara nga ligji për shërbimin civil.
Gjithashtu , nëntë anëtarët e Këshillit kanë miratuar ndryshimin në nenin 3, pika 3 e rregullores, “Këshilli nuk mund të caktojë përkohësisht një prokuror më shumë se katër herë në të njëjtin pozicion ose në një pozicion tjetër” duke hequr kufizimin kohor deri në miratimin e “Rregullores mbi kriteret dhe procedurën për ngritjen në detyrë të prokurorëve”.
Ndërkohë, me shumicë votash u miratua projekt-akti për komandimin e Mirela Kapos, në pozicionin e ndihmës-magjistratit pranë Kabinetit të Inspektorit të Lartë të Drejtësisë, për një periudhë pesë vjeçare duke filluar nga data 04.03.2020.
Gjithashtu, KLP-ja vendosi të deklarojë mbarimin e mandatit si anëtar i Këshillit të Lartë të Prokurorisë për Besnik Cani, i cili u shkarkua më 27 shkurt nga Komisioni i Pavarur i Kualifikimit./ Opinion.al
