Pensionistët do të përfitojnë nga shpërblimi për festat e fundvitit.
Këshilli i Ministrave vendosi të miratojë fondin për shpërblimin për pensionistët. Lajmi është dhënë nga ministrja e Ekonomisë dhe Financave Anila Denaj. Ajo tha se pensionistët do të përfitojnë 3 mijë lekë dëmshpërblim me rastin e festave.
Vendimi u mor në ‘minutat e fundit’, pas shumë konsultimeve në kabinetin qeveritar, duke pasur parasysh situatën financiare ku ndodhet vendi pas dëmeve nga tërmeti i 26 nëntorit.
Nga ky vendim do të përfitojnë 663 mijë pensionistë njoftoi ministrja. /Opinion.al
