Një fond prej 6 mln dollarësh është alokuar për 500 mijë vaksina Pfizer të cilat do të vijnë deri në fund të vitit.
Lajmi është dhënë nga ministrja e Shëndetësisë Ogerta Manastirliu gjatë mbledhjes së qeverisë ditën e sotme.
‘Kemi miratuar tre vendime që lidhen me mbrojtjen e jetës së qytetarëve shqiptare. Vendimi është për kryerjen mbi 500 mijë dozave e Pfizer të cilat do të vijnë brenda këtij viti. Nëpërmjet këtij akti bëhet i mundur pagesa prej 6 mln dollarë dhe vijnë vaksinat Pfizer, për të plotësuar nevojat dhe disponibilitetin. Kanë mbërritur në Shqipëri 2 mln doza. Kemi bërë të mundur që spitalet tona të garantohet furnizimi me barna.’- tha Manastirliu.
Gjatë fjalës së saj ministrja e Shëndetësisë, Ogerta Manasatirliu u shpreh se deri më tani më shumë 44% e popullsisë ka marrë njërën prej dozave, 35% të dyja.
“Janë më shumë se 900 mijë qytetarë që kanë marrë dozën e parë të vaksinës rreth 44% e popullatës target, janë vaksinuar plotësisht me dy doza 35% e popullatës. Ndërkohë që për moshën mbi 60 vjeç janë vaksinuar mbi 64 % që është një përqindje e mbulesës vaksinale”, tha ajo.
