Është miratuar me 77 vota pro dhe 46 kundër, buxheti për vitin 2022.
Gjithashtu Partia Socialiste ka votuar kundër 10 amendamenteve të Erion Braçes, për të cilat votuan pro vetëm 8 deputetë.
Deputeti socialist prezantoi sot një sërë amendamentesh në Kuvend, që sipas tij duhet të përfshihen në paketën e re fiskale. Duke thënë se me këtë paketë të prezantuar nga qeveria është goditur më i dobëti, Braçe ka kërkuar të hiqet favorizimi TSVH-së për hotelet me 5 yje, pasi sipas tij mjafton favori që ju kemi bërë me lejimin e kazinove.
Amendamentet e Erion Braçes që u hodhën poshtë:
-Barazim i TVSH-së 20% në bujqësi
– Taksimi i birrës dhe i pijeve alkoolike
– 0% TVSH për inputet bujqësore
– Taksim i qumështit pluhur për të gjithë importuesit
– Taksim i Vajit të palmës 150 lekë /kg
– Heqja e favorizimit të TVSH-së për hotelet me 5 yje
– Heqja e favorizimit të TVSH-së për brande ndërkombëtare
– TVSH për furnizimin me tokë për ndërtimet në zonat rezidenciale dhe bregdet
