Pas miratimit të propozimit francez në Kuvendin e Maqedonisë së Veriut ka ardhur edhe reagimi i presidentes së Komisionit Evropian Ursula von der Leyen.
Në një postim në llogarinë e saj në Twitter, presidentja e KE shkruan se për Maqedoninë e Veriut kjo ishte një mundësi historike dhe “e kapi atë”.
Ndër të tjera ajo shprehet se tashmë kjo do të hapë rrugën për nisjen e negociatave sa më shpejt.
“Urime Maqedonisë së Veriut për votimin që tani hap rrugën për hapjen e shpejtë të negociatave të anëtarësimit.
Ishte një mundësi historike. Dhe ju e kapët atë. Një hap i madh në rrugën tuaj drejt një të ardhmeje evropiane. E ardhmja juaj”,-shkruan në “Twitter” Ursula von der Leyen.
Kujtojmë se Kuvendi i Maqedonisë së Veriut miratoi me 68 vota pro, asnjë kundër dhe asnjë abstenim, propozimin francez./Opinion.al
?? Congratulations to North Macedonia on the vote that now paves the way for opening the accession negotiations rapidly.
It was a historic opportunity.
And you seized it.
A big step on your path towards a European future. Your future.
— Ursula von der Leyen (@vonderleyen) July 16, 2022
