Kreu i Dhomës së Avokatisë, Maks Haxhia në një komunikim për mediat deklaroi se harta e re gjyqësore është antikushtetuese.
Ai tha, se hapi i tyre final do të jetë Gjykata Kushtetuese, ndërsa bëri me dije se ankimimin e tyre do ia paraqesin edhe institucionit ndërkombëtar të Avokatëve në Bashkimin Europian.
“Hapi ynë final do të jetë Gjykata Kushtetuese. Dhoma e Avokatisë së Shqipërisë do të vërë në dijeni institucionin e rëndësishëm ndërkombëtar brenda BE duke i bërë të qartë anti kushtetuetshmërinë e kësaj harte. Unë nuk më mbetet gjë tjetër përveçse të kërkoj nga ju qëndrimin që do mbajnë. Unë jam një votë. Nuk i imponohem këshillit”, tha Maks Haxhia.
Qeveria miratoi sot hartën e re gjyqësore, sipas të cilës vendi ynë do të ketë 13 gjykata të shkallës së parë të juridiksionit të përgjithshëm, 1 gjykatë apeli dhe 2 gjykata administrative të shkallës së parë.
Ky vendim erdhi në një kohë kur avokatët kanë protestuar dhe kanë bojkotuar seancat gjyqësore./Opinion.al
