Pak ditë pasi Kombëtarja e shpresave të përballet me ekipin e moshave të Italisë, publikohet edhe lista e lojtarëve që do të marrin pjesë në miqësore.
Në një njoftim të publikuar nga FSHF thuhet se trajneri i kuqezinjve të vegjël, Redi Jupi, ka bërë gati listën e lojtarëve, ndërsa ekipi që do të grumbullohet më datën 7 gusht në Itali (San Benedeto).
“Kjo miqësore zhvillohet në kuadër të dy ndeshjeve zyrtare që Kombëtarja U-21 do të zhvillojë në shtator dhe tetor të vlefshme për eliminatoret e Evropianit 2017. Kuqezinjtë luajnë më 2 shtator ndaj Greqisë dhe më 10 tetor ndaj Izraelit, që të dyja sfidat në transfertë.
Shqipëria U-21 renditet aktualisht e dyta në Grupin 4 me 12 pikë në 8 ndeshje. Renditjen e kryeson Portugalia me 18 pikë”,-thuhet në njoftim. Në këtë listë bie në sy mungesa e talentit Milot Rashica. Me shumë gjasa ky i fundit pritet të lërë ekipin e moshave dhe t’i bashkohet Kombëtares së futbollit.
Në listën e Redi Jupit mungojnë gjithashtu edhe lojtarët që angazhohen me ekipiet e tyre në kupat e Europës./panorama
