Kombëtarja shqiptare ka zhvilluar sot seancën e parë stërvitore për dy ndeshjet miqësore kundër Kilit dhe Suedisë me 22 dhe 25 mars.
Nën drejtimin e trajnerit brazilian Sylvihno janë stërvitur 24 nga 26 futbollistë, teksa i fundit që mbërriti në shtëpinë e futbollit ishte Nedim Bajrami.
Kuqezinjtë zhvilluan pasditen e së hënës seancën e parë stërvitore në ambientet e ‘Shtëpisë së Futbollit”. Fillimisht lojtarët punuan në palestër, ndërsa më pas dolën në fushën e lojës.
Përballja ndaj amerikano-latinëve do të luhet në stadiumi ‘Ennio Tardini’, në Parma të Italisë, ndërsa ndaj skandinavëve në impiantin ‘Friends Arena’ të Stokholmit.
Me kuqezinjtë u stërvitën edhe lojtarët e ekipit Shpresa. Qazim Laçi dhe Naser Aliji u bashkuan gjatë mbrëmjes me ekipin.
