Kyriakos Mitsotakis, ryeministri i Greqisë ka zhvilluar ditën e stome një takim me përfaqësuesit e e Unionit Demokratik të Minoritetit Grek -Omonia dhe të Partisë Bashkimi për të Drejtat e Njeriut, që mbështet pakicën greke në vendin tonë.
Mësohet se në këtë takim ishin të pranishëm, presidenti i Omonia, Vasilis Kagios, dhe kreu i Partisë Bashkimi për të Drejtat e Njeriut, Vangjel Dule, si dhe kryetari i degës Omonia në Himarë, Fredi Beleri.
Sipas informacioneve, në këtë takim është diskutuar në lidhje me disa nga problemet kryesore që minoriteti grek ka në Shqipëri. Gjatë diskutimeve, theksi është vënë te aftësia e tyre për të ushtruar lirshëm të drejtën e tyre për vetëvendosje, si në kontekstin e legjislacionit që zbaton kornizën ligjore të Shqipërisë për mbrojtjen e minoriteteve, i cili duhej të ishte miratuar tashmë, dhe në lidhje me cencusin (regjistrimin e popullsisë) planifikuar në Shqipëri vitin e ardhshëm.
Të pranishmit në këtë takim, janë shprehur se një nga problemet në Shqipëri është çështja e pronës, e cila sipas tyre, ndikon drejtpërdrejt në aftësinë e anëtarëve të pakicës për të mbijetuar në atdheun e tyre.
Çështje të tjera të diskutuara në takim kanë të bëjnë me edukimin dhe përdorimin e gjuhës greke, çështjet e pensioneve dhe të sigurimeve që kanë të bëjnë me grekët në Shqipëri dhe mbështetjen për sipërmarrësit e rinj nga komuniteti grek, që duan të fillojnë aktivitete biznesi në Shqipëri.
Ndërkohë, Mitsotakis i siguroi ata se qeveria greke do të jetë në anën e tyre, duke nënvizuar se përparimi dhe prosperiteti i pakicës greke është një përparësi kryesore dhe çështje kryesore në rendin e ditës sa i përket marrëdhënieve dhe dialogut midis Greqisë dhe Shqipërisë, duke shtuar se ishte gjithashtu ndër angazhimet e Shqipërisë në kontekstin e perspektivës së saj evropiane./Opinion.al
