Kompleksi turistik në Brezovicë, ku si pasojë e një orteku dëbore ditën e djeshme humbi jetën Arian Daci, vazhdon të qëndrojë i mbyllur edhe sot.
KTV bën me dije se ekipet e shpëtimit të FSK-së, në koordinim me Forcën e Skitarisë së Kosovës, të dielën kanë minuar zonën për të shmangur mundësinë e krijimit të ndonjë oretku tjetër. Për këtë arsye, ndonëse rrugët e kalimit drejt Brezovicës ishin të lira, hyrja në kompleksin turistik ku ndodhi ngjarja ishte e pamundur.
Ndërkohë, mediat kosovare njoftojnë se sipas zyrtarëve të Ministrisë së Mjedisit, si dhe dëshmitarëve, orteku është provokuar nga viktima dhe të mbijetuarit e këtij aksidenti, që sipas tyre ishin duke skijuar në zonën e ndaluar për skijim.
Orteku, i së shtunës pasdite ka lënë të vdekur zv.ministrin e Diasporës, Arian Daci, ndërsa i plagosur ka mbetur Ardian Bakalli./M.B
