Ministri i Jashtëm, Ditmir Bushati ka lëshuar një deklaratë të fortë sot gjatë prezantimit të kandidatëve për deputetë të PS në Shkodër, ku ka kërcënuar direkt LSI-në. Bushati duke u ndalur te slogani i LSI-së “për më shumë punësim” paralajmëroi burg për këdo zyrtar të kësaj partie që premton punë në shtet në shkelje të ligjit.
“Ka partiza dhe individë që dalin publikisht dhe premtojnë për punësim madje duke mos respektuar dhe ndryshimet e fundit në Kod Penal. Një mik më tha që e kishte kontaktuar një parti që po premton vende pune në burgun e Malësisë së Madhe. Ajo që i thashë është se përgjigjja që duhet t’i jepte atyre që premtojnë punësime të tilla është se: Në pune do të futen në bazë të meritës, në burg kujdes se do të futesh vet. Unë e di që kur flasim për reformat e shtetndërtimit demokratik në Shkodër ka njerëz që thonë hajde me mua tek zyra e Hipotekës dhe shiko se çfarë ndodh. Ku flamuri i partisë është më i rëndësishëm se interesi i Shqipërisë”, – deklaroi Bushati.
