Përmes një video të publikuar në facebook, Ministrja e Shëndetësisë Ogerta Manastirliu, i ka bërë thirrje të gjithë personave që kanë lidhje me fushën e mjekësisë, mjekë, laborantë, farmacistë, studentëve të mjekësisë të bashkohen me ekipet e punës, në luftën kundër koronavirusit.
Në këtë thirrje ka qenë i pranishëm edhe Rektori i Universitetit te Mjekesise Arben Gjata, duke u shprehur se kushdo që është I gatshëm është i mirëpritur t’u bashkohet ekipeve të shëndetësisë.
“Jeni të mirëpritur, ju studentët e mjekësisë, studentët e shkencave mjekësore teknike, studentët e farmacisë, të shëndetit publik. Është një thirrje e cila do t’ju vërë në të njëjtën barrikadë me pedagogët, me mësuesit. Kjo thirrje I shtrihet të gjithë studentëve që studiojnë në fushën e mjekësisë në të gjitha universitetet shqiptare. Të japim një dorë për ta kaluar me sa më pak dhimbje këtë situatë ku ndodhet vendi”, tha Gjata./ Opinion.al
