Pavarësisht debateve të mëdha që përfshinë ligjin e ri për arsimin e lartë, gjatë kësaj seance është parë një takim kokë më kokë mes ish-kryeministrit Sali Berisha dhe ministres së Arsimit, Lindita Nikolla. Kjo e fundit kishte shkuar në vendin ku qëndron zakonisht Berisha i ulur në sallën e Kuvendit. Sigurisht që ky takim ra në sy edhe për debatin që kishte mes opozitës dhe mazhorancës për ligjin e arsimit të lartë.
Gjatë ditës së sotme Nikolla ka folur gjatë një interviste për A1Report. E pyetur në lidhje me takimin me Berishën gjatë seancës së të martës, ajo nuk ka preferuar të tregojë gjatë.
“Preferoj që kjo bisedë të mbetet midis meje dhe Berishës. Është deputet dhe ka kontribuar në demokraci dhe nuk ka ndonjë gjë të veçantë të ndajmë pikëpamje. Ne ndamë disa të vërtetëa personale mbi ligjin, punën”, ka thënë Nikolla.
