Ministrja e Shëndetësisë dhe Mbrojtjes Sociale, Albana Koçiu ka dalë ditën e sotme në terren, për të inspektuar vijën bregdetare të Golemit.
Në këtë vijë bregdetare, që prej fillimit të sezonit, ndodhen Task Forca e Inspektoriatit Shtetëror Shëndetësor, të cilat monitorojnë kushtet higjieno-sanitare, duke kryer inspektime në hotele, plazhe dhe pishina për të garantuar pastërti dhe siguri për pushuesit vendas dhe të huaj.
E shoqëruar nga drejtorin e ISHSH Tiranë, Kliton Leka, Koçiu u shpreh se Strukturat akomoduese kanë përgjegjësinë për të siguruar higjenën dhe pastërtinë për të gjithë vizitorët.
“Strukturat akomoduese kanë përgjegjësinë për të siguruar higjenën dhe pastërtinë e tyre. Është e domosdoshme që të jemi të gjithë bashkë në këtë proces për të garantuar shëndetin publik dhe një eksperiencë të këndshme për të gjithë vizitorët”, theksoi Ministrja Koçiu.
Ministrja Koçiu u bëri edhe një herë thirrje strukturave për të respektuar standartet e higjienës dhe pastërtisë.
“Për të siguruar një sezon turistik të sigurt dhe të shëndetshëm, bëjmë thirrje për angazhim të përbashkët dhe respektimin e standardeve të higjienës dhe pastërtisë nga të gjitha strukturat që ofrojnë shërbime për pushuesit”, tha Koçiu.
