Ministrja e Drejtësisë, Etilda Gjonaj të hënën pasdite ka reaguar lidhur me ekstradimin në Itali të Nezar Seitajt, personit të vetëm të arrestuar në Shqipëri pas akuzave për lidhje me bandën e Habilajve.
Përmes një shënimi në Facebook, Gjonaj sqaron se Seitaj u ekstradua drejt Italisë në zbatim të vendimeve të gjykatave shqiptare dhe kërkesës për ekstradim nga Ministria e Drejtësisë Italiane dhe konform ligjeve dhe akteve ndërkombëtare.
Ajo thekson se organet e akuzës nuk i pengon asgjë, përkundrazi kanë të gjitha mjetet ligjore të parashikuara për të bashkëpunuar me ato italiane me qëllim për të marë dhe për të përfituar çdo informacion që do t’iu nevojitet për efekt hetimi.
Pavarësisht parashtrimit të saj, ende nuk është sqaruar nga autoritetet përkatëse nëse ekstradimi drejt Italisë i Nezar Seitajt është në përputhje me ligjin, pasi financieri i bandës së Habilajve po hetohej nga organet shqiptare për drogën e kapur në Babicë të Vlorës.
Reagimi i plotë:
Nezar Seitaj u ekstradua ne Itali, ne zbatim te vendimeve te gjykatave shqiptare dhe kerkeses per ekstradim nga Ministria e Drejtesise italiane, konform ligjeve dhe akteve nderkombetare.
Ai sot eshte ne duart e prokurorise italiane. Por opozita vijon te konsumoje perdite energji per nje alarm fals, duke e trajtuar rastin sikur i pandehuri u arratis apo u la i lire dhe jo qe iu dorezua pikerisht drejtesise italiane.
Organet e akuzes shqiptare nuk i pengon asgje, perkundrazi kane te gjitha mjetet ligjore te parashikuara per te bashkepunuar me ato italiane me qellim per te marre dhe per te perfituar cdo informacion qe do t’ju nevojitet per efekt hetimi.
Cdo veprim ndryshe nga ekstradimi do te perkthehej dhe nga shteti italian si mungese vullneti per te bashkepunuar ne luften kunder krimit te organizuar.
Jam e bindur se nese nuk do te ishte ekstraduar, kjo opozite kaq haptaz e trembur prej reformes ne drejtesi, do te thoshte “nuk i’a dorezuan antimafias italiane, po e mbajne ketu per ta mbrojtur me duart e kapura te drejtesise”…
Keshtu qe ne pamundesine per te gjetur se cila do te ishte zgjidhja me e mire per nje opozite qe tenton te manipuloje edhe atehere kur nuk ka, ne thjesht na mbetet te shpjegojme me durim permes fjaleve dhe tregojme me kembengulje permes veprave, se ligjshmeria eshte busulla e vetme qe orienton vendimmarrjen tone.
