Pasi u emërua drejtor i burgut të Vlorës, gjashtë ditë më parë nga ministrja e Drejtësisë, Etilda Gjonaj, Egon Velaj është dënuar sot për shpërdorim detyre.
Gjykata e Vlorës ka vendosur të dënojë me 6 muaj burg Velajn për shpërdorim detyre gjatë kohës që ka ushtruar detyrën e drejtorit të Aluiznit.
Ai ka përfituar nga regjimi i burgut me kusht sipas ligjit nr. 59 të Kodit Penal, dhe dënimi i tij do të konvertohet në shërbim prove.
Aktualisht Egon Velaj drejton paraburgimin e Vlorës dhe priste të merrte drejtimin e burgut të Vlorës pas emërimit nga ministrja Gjonaj.
Prokurori i cështjes ishte Anton Pali dhe gjyqtare Atalanta Zeqiraj. /Opinion.al
