Ministrja e Kulturës, Elva Margati ka shkarkuar nga detyra Iris Elezit, teksa prej disa kohësh mbante postin e drejtoreshës së Arkivit të Filmit.
Nga urdhri i publikuar në rrjet bëhet me dije se gjatë ushtrimit të detyrës, Elezi ka kryer një sërë shkeljesh duke vepruar në kundërshtim me legjislacionin në fuqi.
Shkeljet e drejtoreshës së Arkivit të Filmit, janë zbuluar pas ankesës së disa punonjësve të arkivit, lidhur me praninë fizike në institucion të bashkëshortit, Tomas Logoreci dhe të afërmve të tjerë, por edhe punësimit të tij prej 1 viti si supervizor në një projekt të brendshëm.
Kujtojmë se Iris Elezi është emëruar drejtoreshë në Arkivin e Filmit në vitin 2017./Opinion.al
