Ministrja e Shtetit dhe Kryenegociatorja Majlinda Dhuka u shpreh se opozita me mazhorancën janë bashkë sa i përket integrimit të vendit në Bashkimin Europian.
Në daljen për media, ajo tha se Shqipëria ka bërë progres të dukshëm në reformat e rëndësishme për anëtarësim, përfshirë këtu reformën në drejtësi dhe të tjera të lidhura me funksionimin e institucioneve.
“Shqipëria mirëpret organizimin e konferencës së dytë ndërqeveritare për çeljen e negociatave, sipas vendimit të vendeve të BE. Shqipëria ka bërë progres të dukshëm në reformat e rëndësishme për anëtarësim, përfshirë këtu reformën në drejtësi dhe të tjera të lidhura me funksionimin e institucioneve. Sa i përket opozitës dhe pozitës, në Shqipëri janë bashkë sa i përket integrimit dhe Shqipëria do të progresojë për t’u bërë pjesë e BE-së, pavarësisht situatave të ditës”, tha ministrja Majlinda Dhuka.
