Ministri i Jashtëm iranian, Mohammad Javad Zarif, është shprehur se i është refuzuar viza nga SHBA. Në këtë mënyrë ai nuk do të mund të marrë pjesë në një takim të Këshillit të Sigurimit të Kombeve të Bashkuara, më 9 janar në New York.
Refuzimi i vizës ndaj Mohammad Javad Zarif më 6 janar, pason një rritje të tensionit midis dy vendeve,pas vrasjes së gjeneralit Kasem Soleimani nga një sulm ajror amerikan më 3 janar.
“Ata kanë frikë se dikush shkon në SHBA dhe zbulon të vërtatat. Bota nuk kufizohet vetëm me New York-un, pasi mund të bisedohet me popullin amerikan nga Teherani, gjë të cilën ne do ta bëjmë atë”, -tha Zarif. Departamenti amerikan i Shtetit nuk e ka komentuar këtë çështje.
Tensionet mes SHBA-së dhe Iranit janë rritur qëkur presidenti amerikan, Donald Trump në vitin 2018, u tërhoq nga marrëveshja bërthamore e fuqive botërore me Iranin.
.
