Ministria e Shëndetësisë në Kosovë ka sqaruar sot masat anti-Covid që u miratuan nga qeveria të premten e 21 janarit.
Sipas ministrisë, masat e reja u morën për të luftuar pandeminë dhe u vendosën pas analizimit të situatës epidemiologjike dhe konsultimeve me profesionistë shëndetësorë.
Masat e reja anti-Covid u miratuan nga qeveria e Kosovës të premten dhe kanë hyrë në fuqi një ditë më pas.
Në njoftim, ministria ka thënë se vendimi nuk u kërkon me domosdo qytetarëve dozën e tretë të vaksinës për të hyrë në Kosovë, pasi të vaksinuarve plotësisht u mjafton edhe një test negativ PCR, i kryer brenda 48 orëve.
Mësohet se shtetasit e Kosovës mund të hyjnë në Kosovë duke qenë të vaksinuar vetëm me dy doza, pa pasur nevojë të testit negativ PCR.
Nëse nuk i kanë të dyja doza, ata duhet t’i nënshtrohen karantinës për shtatë ditë.
Gjithashtu është rikthyer ora policorë, ku është i ndaluar qarkullimi dhe lëvizja e qytetarëve nga ora 22:00 deri në orën 05:00.
Baret dhe restorantet mund t’i zhvillojnë aktivitetet e tyre nga ora 05:00 e mëngjesit deri në 21:00 të darkës.
