Kanë mjaftuar vetëm disa levizje të shpeshta të një autoambulance në vilën qeveritare në Dhërmi, ku po pushon kryeministri Rama, që media të hedhë dyshime se diçka nuk po shkon mirë.
Nga informacionet e para u konfirmua se mjekët i kanë dhënë ndihmën e parë një personi brenda vilës.
Dëshmitarët në vendngjarje kanë pohuar se kanë parë levizje shumë të shqetësuara të stafit të kryeministrit.
Ndërsa, në një prononcim ekskluziv nga Ministra e Shëndetësisë për Opinion.al është mësuar se vizitat e autoambulancës së shërbimit mjekësor në rezidencën qeveritare, janë pjesë e rutinës së zakonshme të ofrimit të kujdesit shëndetësor.
Zëdhënësi i MSH, Thanas Goga bëri me dije se levizjet e autoambulancave në rezidencën qeveritare në Dhërmi, ku po pushon kryeministri Rama bashkë me familjen e tij, nuk kanë lidhje me asnjë problem shëndetësor të askujt që pushon në rezidencën qeveritare.
“Shërbimi i autoambulancës është i parashikuar të jetë 24 orë në 24 dhë ndërrimi i turneve të shërbimit është procedurë normale për stafin që punon në rezidencë”, tha Goga për Opinion.al.
