Ministri i Mbrojtjes, Niko Peleshi, ka bërë të ditur se 95 vatra zjarri të raportuara gjatë dy javëve të para të muajit gusht, janë shuar falë ndërhyrjes së shpejtë të forcave të emergjencës, nën koordinimin e Agjencisë së Mbrojtjes Civile dhe bashkëpunimit me komunitetin.
Përmes një postimi në rrjetin social “Facebook”, ministri shkruan se 212 vatra zjarri u fikën në muajt qershor-korrik, Ai thekson se vigjilenca e qytetarëve dhe sinjalizimi në kohkanë qënë faktorë për parandalimin engjarjeve që rrezikojnë jetën e qytetarëve dhe pasuritë natyrore,ë
‘95 vatra zjarri të raportuara gjatë dy javëve të para të muajit gusht janë shuar në kohë, falë ndërhyrjes së shpejtë të forcave të emergjencës, nën koordinimin e Agjencisë së Mbrojtjes Civile dhe bashkëpunimit të frytshëm me komunitetin.
Përmirësimi i sistemit të reagimit ka bërë të mundur që asnjë nga këto vatra të mos marrë përmasa të parikuperueshme.
Rreth 212 vatra zjarri u fikën në kohë në muajt qershor-korrik. Vigjilenca e komuniteteve, sinjalizimi dhe reagimi në kohë, faktorë kryesorë për parandalimin e ngjarjeve që mund të rrezikojnë jetën e qytetarëve e pasuritë e vendit.’- shkruan ministri i Mbrojtjes.
