Deklarata e Ministrisë së Jashtme greke për përplasjen e banorëve të Himarës me përfaqesues të Këshillit Bashkiak, për Ministrinë tonë të Jashtme cilësohet si ndërhyrje e përsëritur në punët e brendshme të shtetit shqiptar.
Në një reagim të Ministrisë së Jashtme thuhet qëndrimi i shtetit grek bie ndesh me angazhimin e Greqisë për marrëdhënie të fqinjësisë së mirë.
Sipas tyre Greqia kërkon të instrumentalizojë aktet e padenja të kryera dje nga disa individë në Himarë, duke synuar të përfshijë në to çështje të respektimit të të drejtave të minoritet grek në Shqipëri.
Eshte e papranueshme thuhet reagim që, apriori dhe çdo herë, të nxiten dhe legjitimohen pretendime paternaliste mbi Himarën.
Përpjekjet e vazhdueshme për të instrumentalizuar çdo pakënaqësi individuale ose kolektive, synojnë shtrembërimin e realitetit të bashkëjetesës së shkëlqyer midis popullsisë shqiptare dhe minoritetit grek.
