Ministria e Punëve të Jashtme, njofton se nga të dhënat e para nuk rezulton qe te ketë qytetarë shqiptarë të lënduar nga tërmeti i fuqishëm në Itali .
“MPJ solidarizohet me Italinë mike në këto momente te vështira te shkaktuara prej tërmetit që goditi dje në mbrëmje rajonet e Lazios dhe Marches, me pasoje humbjen e jetëve njerëzore dhe dëme të mëdha materiale. Duke Ju gjendur pranë qeverisë dhe popullit Italian në këto çaste të vështira shprehim ngushëllimet më të ndjera për familjet e viktimave” njofton Ministria.
Sipas saj, “nga njoftimet e deritanishme nga Ambasada jone ne Rome informohemi se deri ne këto momente nuk rezulton qe te ketë qytetarë shqiptarë të lënduar”.
Ambasada e Republikës se Shqipërisë ne Rome për t’ju ardhur ne ndihme, vendos ne dispozicion te qytetareve shqiptar numrin e emergjencës +393420498192.
