Ministria e Brendshme thotë se do të ketë dhunë në protestën e opozitës.
Duke iu referuar deklaratave mediatike, por pa i saktësuar ato zëvendës ministri i Brendshëm, Besfort Lamallari tha se organizatorët e dhunës planifikojnë të përsërisin atë edhe sot.
LEXO EDHE: Opozita sërish në shesh, detajet e protestës
“Ata që prodhuan, shpërndanë e përdorën bombat molotov dhe lëndët e tjera të rrezikshme mbi forcat e rendit, në mbrëmjen e 11 majit, do të tentojnë të përsërisin të njëjtat akte dhune edhe në manifestimin e sotëm. Ministria e Brendshme dhe Policia e Shtetit u bëjnë thirrje të gjithë qytetarëve, të distancohen nga këto grupime dhe akte kriminale dhe të bashkëpunojnë me organet e rendit.
Policia e Shtetit, në bashkëpunim Prokurorinë dhe Agjencitë e tjera ligj zbatuese janë në ndjekje dhe po hetojnë të gjithë mekanizmin e ideimit, organizimit dhe ekzekutimit të këtyre akteve kriminale. Të gjithë autorët, pa dallim, do të përballen me Forcën e Ligjit”, theksoi ai.
Ndërkohë PD sot njoftoi se protesta do të jetë marshim kundër dhunës sipas tyre të ushtruar nga policia/Opinion.al
