Presidenti i Ukrainës, Volodymyr Zelensky dhe presidenti i Turqisë, Recep Tayyip Erdoğan, po bashkërendojnë përpjekjet e tyre për të kthyer Rusinë në marrëveshjen e grurit.
“Ukraina po koordinon me Erdoganin për ta kthyer Putinin në marrëveshjen e drithit të Detit të Zi dhe Erdogan po koordinon me Zelensky. Ky është një interes i përbashkët”, tha në një koment për Ministri i Punëve të Jashtme të Ukrainës Dmytro Kuleba.
Kryediplomati i Ukrainës shprehu mendimin se presidenti Erdogan është i vetmi person që mund ta kthejë Putinin në marrëveshjen e drithit.
Siç është raportuar, më 17 korrik, pala ruse i dërgoi Turqisë, Ukrainës dhe OKB-së kundërshtimet e saj për vazhdimin e marrëveshjes së grurit dhe de facto e ndërpreu vlefshmërinë e saj.
OKB-ja tha se çmimet e ushqimeve në mbarë botën po rriteshin, duke përkeqësuar krizat energjetike dhe financiare, si rezultat i ndërprerjes së pjesëmarrjes së Rusisë në Iniciativën e drithit të Detit të Zi dhe kërcënimit për transportin detar./Opinion.al
