Ministri i Jashtëm i Ukrainës Dmytro Kuleba ka bërë të ditur se të tjerë udhëheqës lokalë janë marrë peng nga pushtuesi rus. Në një postim në rrjetin social “Twitter”, ai shkruan se kryebashkiaku i Skadovsk-ës dhe zëvendësi i tij janë rrëmbyer sot.
Ministri i Jashtëm ka bërë thirrje që organizatat ndërkombëtare duhet t’i kërkojnë Rusisë lirimin e të gjithë zyrtarëve të marrë peng.
Kujtojmë se ditë më parë Ukraina akuzoi forcat ruse se kishin rrëmbyer një kryebashkiak në mes të ditës.
“Pushtuesit rusë vazhdojnë të rrëmbejnë udhëheqësit lokalë të zgjedhur në mënyrë demokratike në Ukrainë. Kryetari i bashkisë së Skadovsk Oleksandr Yakovlyev dhe zëvendësi i tij Yurii Palyukh janë rrëmbyer sot. Shtetet dhe organizatat ndërkombëtare duhet të kërkojnë që Rusia të lirojë menjëherë të gjithë zyrtarët ukrainas të rrëmbyer!”,-shkruan ministri ukrainas./Opinion.al
