Ministri i Brendshëm, Sander Lleshaj thotë se policia do të zbatojë deri në fund ligjin gjatë protestave të opozitës. Nga Shkodra, Lleshaj tha se në të gjitha protestat policia ka zbatuar ligjin, pavarësisht kritikave për përdorimin e gazit lotsjellës.
“Protestuesit kane ushtruar dhune ndaj policisë por policia ka mbajtur qëndrimin e duhur”- tha Lleshaj.
“E para në rast se ata do bëjnë dy hapa, policia do bëjë një hap, por gjithmonë në zbatim të ligjit dhe pa patur viktima. Ne jemi te gatshëm që të dialogojmë me opozitën, por jo të bëjmë negociata. Dialogu është e vetmja rrugë për të zgjidhur gjithçka”, theksoi më tej Lleshaj.
Një ditë më parë, Drejtori i Përgjithshëm i Policisë së Shtetit, Ardi Veliu, u ka dërguar një letër bizneseve në rrugën para Parlamentit, ku u kërkon falje për shqetësimin e krijuar si pasojë e përdorimit të gazit lotsjellës gjatë protesës së datës 26 shkurt para Parlamentit të Shqipërisë./ Opinion.al
