Është vrarë në zyrën e tij ministri i mjedisit dhe burimeve natyrore i Republikës Dominikane, Orlando Jorge Mera, 55 vjeç.
Mësohet se 55-vjeçari është qëlluar 6 herë me armë zjarri nga miku i tij i ngushtë. Orlando Jorge Mera, ishte duke mbajtur një takim në momentin e sulmit.
Një zëdhënës presidencial e identifikoi sulmuesin si Miguel Cruz, duke e përshkruar atë si një shok fëmijërie të ministrit.
Ai tani ndodhet në paraburgim. Motivi i të shtënave mbetet i paqartë.
Në një deklaratë, familja e Jorge Mera tha se ai ishte qëlluar disa herë nga një burrë me të cilin ishte shok që nga fëmijëria.
“Familja jonë e fal personin që e bëri këtë. Një nga trashëgimitë më të mëdha të Orlandos ishte të mos mbante mëri,” shtuan ata.
Jorge Mera kishte shërbyer në administratën e Presidentit aktual Luis Abinader që kur ai erdhi në pushtet në korrik 2020.
Në një postim në Tëitter, Presidenti Abinader shprehu ngushëllimet e tij të sinqerta për familjen e Jorge Mera dhe tha se ndjente keqardhje të thellë për vdekjen e mikut të tij të mirë.
