Ministri i Jashtëm i Kosovës, Enver Hoxhaj në takimin me Komisionin për Punë të Jashtme teksa fliste për raportet ndërmjet Kosovës dhe Serbisë shprehu një shqetësim tjetër në lidhje me veprimet e këtij shteti.
“Shqetësimi yni i ri që dua ta ndaj me ju në terma të përgjithshëm është se Serbia po e rrit potencialin e saj ushtarak dhe po armatoset. Vetë Vuçiç në vizitat e tij jashtë Serbisë në janar të këtij viti, flet për armët dhe aeroplanët e rinj që janë blerë nga shteti serb. Pra, bilanci i forcave ushtarake serbe nuk është i njëjtë siç ka qenë para disa muajsh”, ka deklaruar Hoxhaj.
