Ministri i Jashtëm holandez Stef Blok ka thënë se Shqipëria nuk është ende gati për të çelur negociatat.
Gazeta holandeze De Telegraaf shkruan se Holanda beson se Bashkimi Evropian nuk duhet të çelë negociatat me Shqipërinë.
“Shqipëria duhet të ndërmarrë hapa të mëtejshëm, veçanërisht në trajtimin e korrupsionit dhe përmirësimin e sundimit të ligjit,” tha Blok pas mbledhjes së Këshillit të Ministrave. Dhoma e Përfaqësuesve kaloi një mocion në qershor në të cilin një shumicë e madhe deputetësh folën kundër bisedimeve të pranimit me Shqipërinë.
Për Maqedoninë Veriore, rruga duket e qartë për të filluar bisedimet për anëtarësimin me BE. “Maqedonia Veriore ka ndërmarrë hapa të mëdhenj përpara. Përparimi për sundimin e ligjit duhet të vazhdohet, kështu që ne shohim vend atje”, tha ministri.
Telegaraaf shkruan se korrupsioni është ende i përhapur në Shqipëri dhe vendi së fundmi ka qenë në lajme si ‘narko-shteti i vetëm në Evropë ’.
“Shqipëria është një furnizues i madh i marihuanës. Një raport i Departamentit Amerikan të Shtetit përshkruan “korrupsionin e madh, institucionet e dobëta qeveritare” dhe foli për kontrabandën njerëzore, rrjetet e drogës dhe evazionin e taksave në shkallë të gjerë. Mediat britanike si The Guardian dhe The Independent e kanë quajtur ‘Kolumbia e Europës’” mbyll shkrimin De Telegraaf. /Opinion.al
