Bota

Ministri i Jashtëm gjerman kritika Macronit për deklaratat për NATO-n


               Publikuar në : 19:30 - 10/11/19 |
el ida

Ministri i Jashtëm i Gjermanisë, Heiko Maas ka ritheksuar qëndrimin kundër të shtetit të tij ndaj kritikave që ka bërë Franca për NATO-n, duke paralajmëruar se as Gjermania e as Evropa, nuk do të jenë në gjendje që ta mbrojnë vetën në mënyrë efektive, pa ndihmën e Shteteve të Bashkuara.

Ministri gjerman, Maas pranoi se evropianët duhet të ndërtojnë kapacitetet e tyre mbrojtëse.

“Do të ishte gabim nëse e minojmë NATO-n. Prandaj, së bashku me Francën, ne po punojmë për të ndërtuar një Evropë që punon së bashku për politikat e sigurisë”, është shprehur Maas për Der Spiegel.

Më herët, edhe kancelarja gjermane Angela Merkel ka kritikuar Macronin për deklaratën e tij për NATO-n.

Kujtojmë se Presidenti i Francës, Emmanuel Macron gjatë kësaj jave deklaroi për The Economist se “truri i NATO-s ka vdekur”, duke sugjeruar që Evropa duhet të marrë në duart e saj çështjen e sigurisë dhe nuk duhet të varet nga Shtetet e Bashkuara për të mbrojtur aleatët e saj.

Ndërkaq, Presidenti i SHBA-së, Donald Trump vazhdimisht ka kërkuar që vendet anëtare të NATO-s të kontribuojnë më shumë për mbrojtje./Opinion.al

Pas