Ministri i Jashtëm i Gjermanisë Sigmar Gabriel vizitë zyrtare në Tiranë. Pas takimit me Bushatin ai deklaroi se: opozita duhet të kthehet në parlament.
“Unë mendoj se europa mund të bëjë më tepër për vendet e ballkanit perëndimor. është e kuptueshme që opozita të mos e dojë qeverinë, por rruga e bojkotit nuk është e duhura”, u shpreh Gabriel.
Reforma në drejtësi është shumë e rëndësishme. Shteti ligjor garanton se në qendër të vëmendjes janë interesat e qytetarëve. Reforma në drejtësi po pengohet dhe nuk e kuptojmë se si parlamentarët bojkotojnë Parlamentin”, tha Gabriel.
“Pas pak javësh ka zgjedhje dhe normalja është që nëse deputetët janë të pakënaqur me qeverinë, ta tregojnë këtë në fushatën elektorale. Në demokraci, duhet respektuar Kushtetuta dhe shumica. Këtë gjë duhet të bëjnë ato shtete që duan të bëhen pjesë e BE-së. Gjendja duhet ndryshuar përmes zgjedhjeve dhe jo nëpërmjet bojkotit të Parlamentit. Bojkoti nuk është rrugë e pranueshme për të shprehur vullnetin”, shtoi Gabriel.
