“Qasja e zotit kryeministër , por edhe e ministrit të brendshëm, për këtë çështje (FETO) me të vërtetë na bëri të lumtur neve si shtet, edhe mua personalisht”. Kështu u shpreh Ministri i Punëve të Brendshme i Turqisë, Süleyman Soylu për Anadolu Agency pas vizitës që zhvilloi dje në Tiranë.
Soylu u takua me kryeministrin Edi Rama dhe homologun e tij, Sandër Lleshaj. Gjatë takimit është diskutuar mbi bashkëpunimin mes Shqipërisë dhe Turqisë kryesisht në fushën ë sigurisë.
Sipas Soylu në mbledhje janë marrë vendime të rëndësishme si dhe “U vlerësua edhe çështja e hedhjes së hapave të përbashkëta në luftën kundër të gjitha organizatave terroriste, përfshirë edhe FETO-n”.
“Miqësia të cilën Edi Rama ka krijuar me presidentin tonë Recep Tayyip Erdoğan, si dhe bashkëpunimi të cilin e zhvillojnë shkakton arritjen e një momentumi shumë të rëndësishëm qoftë në aspektin e shtetit qoftë në nivel të popujve”, u shpreh Soylu.
Ministri i Brendshëm turk shprehu falënderimet e tij për kryeministrin Rama dhe ministrin Lleshaj dhe shtoi gjithashtu se ishte optimist për suksesin e luftës kundër organizatës FETO.
“Qasja e zotëri kryeministrit, por edhe e ministrit të brendshëm, për këtë çështje (FETO) me të vërtetë na bëri të lumtur neve si shtet, edhe mua personalisht. Besoj se procesi në luftën kundër organizatës terroriste, qoftë në Shqipëri e qoftë në vendet tjera, do të rezultojë me sukses në favor të Turqisë. Vendosmëria jonë në këtë luftë qoftë brenda vendit e qoftë jashtë vendit do të vazhdojë ashtu siç ka qenë. U paraqit një qëndrim shumë konstruktiv. Shpresojmë që në ditët në vijim të gjithë së bashku do të shohim rezultatet e këtij qëndrimi konstruktiv”, theksoi Soylu. /Opinion.al
