Ministri i Brendshëm i Italisë, Marco Minniti gjatë vizitës së sotme në Tiranë mbajti një fjalë në konferencën për mbylljen e misionit të monitorimit nga ajri të kanabisit. Ai nuk i kurseu fjalët e mira për Shqipërinë dhe për bashkëpunimin e ngushtë me autoritetet tona. Por një mesazh e dha të fortë. “Në Europë, Shqipëri dhe Itali s’ka njerëz të paprekshëm. Ky është një objektiv i rëndësishëm që duhet të punojmë së bashku”, tha Minniti.
Ai falenderoi disa herë Guradia di Finanzia dhe Policinë Shqiptare që kanë arritur rezultate të mira në luftën kundër kanabisit. Ndërsa ministrin e Brendshëm shqiptar Fatmir Xhafaj e quajti mik.
“Kemi diskutuar me mikun tim Fatmir Xhafaj për planet në luftën kundër krimit të organizuar. Kam ardhur këtu me këtë objektiv të qeverisë italiane. Ne duhet të godasin të paprekshmit. Në Europë, Shqipëri dhe Itali s’ka njerëz të paprekshëm. Ky është një objekt i rëndësishëm që duhet të punojmë së bashku në rrugë gjyqësore dhe operative”, u shpreh ministri italian.
Më tej, ai falenderoi ambasadorët Lu dhe Vlahutin që ishin të pranishëm në konference. “Falenderoj personalisht edhe ambasdorët që janë të pranishëm dhe tregojnë për angazhimin e komunitetit ndërkombëtar në luftën ndaj narko-tarfiqeve”, u shpreh Minniti.
Minniti: Këto janë tre sfidat
“Këtu në Tiranë, këtu në Shqipëri, këtu në Ballkan janë në lojë tre sfida të mëdha: Ajo kundër trafiqeve të lëndëve narkotike, emigracionit të paligjshëm dhe terrorizmit. kemi nevojë për bashkëpunim ndërkombëtar. Takimi që sot po bëjmë është një hap përpara në këtë drejtim.
Nuk është hera e parë që vij në Shqipëri, ndaj verej ndryshimin. Shumë prej jush që kam përballë ishin të rinj apo në shkollë kur unë erdha për herë të parë. Është i jashtëzakohsmë sensi i ndryshimit. Kisha emocion të veçantë gjatë rrugës nga Rinasi në Tiranë.
Tirana dhe Shqipëria kanë ndryshuar shumë”.
/Opinion.al
