Ministri i Drejtësisë dhe Sigurisë në qeverinë e Holandës, Ferdinand Grapperhaus, ka shprehur kritika ndaj qeverisë shqiptare në lidhje me masat e marra ndaj krimit të organizuar.
Ministri Holandez, shprehet se bandat shqiptare janë furnizuesit kryesor të kokainës në këtë shtet.
Sipas tij, shqiptarët janë kthyer në një rrezik të madh për rendin dhe qytetarët holandezë. Grapperhausi ka bërë thirrje qeverisë shqiptare që të marrë sa më shpejtë për të luftuar fenomenin e trafikimit të lëndëve narkotike.
“Bandat shqiptare po fitojnë gjithnjë e më shumë pushtet. Kriminelët shqiptarë punojnë në mënyrë të organizuar, janë kthyer në partner të besueshëm dhe për kriminelë të vendeve të tjera. Bandat shqiptare të kokainës jane aktive nga Amerika e Jugut deri në Limburg. Kokaina hyn nga shqiptarët përmes portit të Roteradmit. Shqipëria duhet të mendojë seriozisht për zgjidhjen e problemit”.
Deklarata e ministrit holandez vjen pas takimit që ai zhvilloi një javë më parë me homologun Sandër Lleshaj dhe ministren e Drejtësisë Etilda Gjonaj në Tiranë.
Po ashtu, Ferdinand Grapperhaus në vizitën e tij në Shqipëri kritikoi opozitën për djegien e mandateve duke thënë se problemet e popullit zgjidhen në Kuvend.
Kujtojmë që Holanda është nga vendet skeptike përsa i përketë hapjes së negociatave të Shqipërisë me Bashkimin Europian.
Ndërkohë, disa ligjvënës në holandezë kanë kërkuar rikthimin e vizave për shqiptarët,pasi sipas tyre, vetëm kështu mund të parandalojnë fenomenin e trafikimit të lëndëve narkotike./ Opinion.al. E.Xh.
