Ministri i Jashtëm, Igli Hasani ka reaguar mbrëmjen e sotme për deklaratën e përbashkët të liderëve të SHBA, Egjiptit e Katarit për një armëpushim në Gaza.
Përmes një postimi në rrjetet sociale, Hasani shkruan se Shqipëria mirëpret deklaratën e armëpushimit.
Ministri i jashtëm thekson se Shqipëria mbështet gjithashtu nevojën urgjente për të rifilluar diskutimet më datë 15 gusht, për të mbyllur boshllëqet e mbetura dhe për të filluar zbatimin e marrëveshjes pa vonesa të mëtejshme.
Postimi i ministri Igli Hasani:
Shqipëria mirëpret deklaratën e përbashkët të liderëve të Shteteve të Bashkuara, Egjiptit dhe Katarit dhe vlerëson përpjekjet e fuqishme diplomatike të tre vendeve, për të arritur një marrëveshje të shumëpritur që do t’i japë fund vuajtjeve të popullit të Gazës, si dhe të pengjeve dhe familjeve të tyre.
Ne mbështesim nevojën urgjente për të rifilluar diskutimet më datë 15 gusht, për të mbyllur boshllëqet e mbetura dhe për të filluar zbatimin e marrëveshjes pa vonesa të mëtejshme.
