Ministri i Jashtëm, Igli Hasani ka vizituar Konsullatë e Përgjithshme të Shqipërisë në Nju Jork gjatë vizitës së tij në SHBA.
Përmes një postimi në rrjetet sociale, Hasani shkruan se në këtë konsullat në periudhën Janar-Shtator 2024 janë ofruar 2600 shërbime për shqiptarët që jetojnë në SHBA, Meksikë, Panama, Republikë Domenikane, Kosta Rika, Guatemala, Hawai e Bahamas.
Gjatë këtij viti, ministri Hasani bën me dije se janë ofruar 107 mijë shërbime konsullore që Shqipëria mbulon në të gjithë botën.
Postimi i plotë:
Në Konsullatën e Përgjithshme të Republikës së Shqipërisë në Nju Jork, ku vetëm për periudhën janar – shtator 2024 janë ofruar 2 600 shërbime konsullore për shtetasit shqiptarë që jetojnë e punojnë në SHBA, Meksikë, Panama, Republikë Domenikane, Kosta Rika, Guatemala, Hawai e Bahamas.
107 mijë shërbime konsullore të kryera gjatë vitit 2024, nga stafet e përkushtuara në 42 poste konsullore në ambasada dhe konsullata të përgjithshme, që mbulojnë thuajse të gjithë botën.
Përgjegjshmëri e prioritet janë lehtësimi dhe modernizimi i procedurave konsullore për t’iu gjendur sa më pranë qytetarëve shqiptarë.
