Ministrit gjerman të Drejtësisë Heiko Maas i janë fshirë postimet në Twitter ku shante “idiot” dhe “budalla” një estetist. Në Gjermani është miratuar ligji që pengon sharjet në rrjetet sociale. Ligji që ka hyrë në fuqi në 1 janar ka kapur të parin, atë që e hartoi ligjin, ministrin e Drejtësisë.
“Ministri viktimë e një ligji të hartuar nga po ai vetë”, shkruan sot e përditshmja ‘Bild”, ku bën të ditur lajmin. Vetë ministri ka thënë se nuk është i penduar për ligjin dhe madje po ti jepej mundësia të kthehej në kohë, nuk do i shkruante ato statuse.
Postimi në fjalë në Twitter daton që nga viti 2010, në kohën kur ai nuk ishte emëruar ende ministër. Maas kishte sulmuar verbalisht në atë periudhë një eseist të suksesshëm neo-konservator në Gjermani, Thilo Sarrazin.
Platformat e shkëmbimeve të informacionit si Twitter, Facebook apo Youtube kanë si detyrim që nga 1 janari në Gjermani për të hequr mesazhet me përmbajtje që nxisin urretje apo që shkojnë deri në ndiqje penalisht për shpifje. Këto duhet të ndërmarrin këtë iniciativë brenda 24 orëve në të kundërt ndaj tyre do të rëndojnë gjoba të rënda.
