Aktualitet

Ministrat nuk justifikojnë pasurinë? Rama: Lajm 100% i rremë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:21 - 02/03/21 |
Opi Nion

Kryeministri Rama gjatë konferencës së sotme është pyetur nga gazetarët për shtimin e pasurisë e tij dhe të kabinetit që ai drejton. Lidhur me këtë çështje kreu i qeverisë tha se pasuria e patundshme sot vlerësohet si asnjëherë më parë. Rama u shpreh se ky fakt justifikon rritjen e pasurisë së ministrave përgjatë viteve të fundit.

“E dini ju që pasuria juaj si banore e Tiranës është rritur vitet e fundit. Sepse në deklaratën e pasurisë nuk është vetëm pasuria monetare por edhe pasuria e patundshme. Kjo pasuri gjatë qeverisjes sonë është rritur si asnjëherë më parë. Vlera e pasurisë është rritur dhe qeveria ka marrë disa herë vendime për rivlerësim pasurish.

 Çfarë do të thotë kjo se po të bësh kalkulime del që vlera e pasurisë së ministrave është rritur por por të shohësh faktet kjo nuk lidhet me të ardhura monetare që nuk justifikohen. Është lajm 100% i rremë, është produkt i dembelizmit aktiv.

Deklarata e pasurisë ka një pjesë publike dhe një pjesë konfidenciale. Nëse nuk sheh këtë të fundit nuk e ke të gjithë panoramën përpara. Është e pamundur të ekzistojë e shkruar, e deklaruar një pasuri e pajustifikuar”, tha Rama./Opinion.al

Pas