Deputetë prej më shumë se 1 mandati, ministra dhe ish-ministra në detyrë, duket se lista e Partisë Socialiste për t’u rinovuar ka sakrifikuar disa emra, që ndoshta nuk priteshin të shiheshin në të tilla pozicione.
Kështu, ministrat që duhet të “luftojnë” vetë për një vend në parlamentin e ri janë: ministrja e Bujqësisë Anila Denaj, ministri i Ekonomisë Blendi Gonxhe dhe ministri i Brendshëm Ervin Hoxha.
Ndërkohë jashtë listave të mbyllura shihen edhe deputetët Blerina Gjylameti, Pandeli Majko, Klotilda Bushka, Ermonela Felaj, Etien Xhafaj, Toni Gogu apo Xhemal Qefalia.
Ish-zv.kryeministri Erjon Brace, ish-ministrja e Drejtësisë Etilda Gjonaj, apo ish-ministrja e Jashtme Olta Xhaçka garojnë gjithashtu në lista të hapura në Tiranë. Ndërkohë skenari duket tashmë i përsëritur për Fatmir Xhafaj, , Mimi Kodheli apo Plarent Ndreca./Opinion.al
