Kryesore

Minishengeni, Zaev: Nuk mund të presim sa BE të jetë gati


Bëhu pjesë e Grupit Zyrtar të Opinion.al
>> KËTU <<
               Publikuar në : 10:42 - 29/07/21 |
Opi Nion

Kryeministri i Maqedonisë së Veriut, Zoran Zaev  është shprehur në Forumin Ekonomik “Ballkani i Hapur” që po mbahet në Shkup, se projekti i Minishengenit Ballkanik, synon bashkimin në një treg të përbashkët vendet e Ballkanit Perëndimor që nuk janë ende pjesë e Bashkimit Europian.

Zaev theksoi në këtë forum, ku merr pjesë dhe kryeministri Edi Rama, se ky projekt siguron pikërisht 4 liritë themelore të unionit. Po ashtu, kryeministri i Maqedonisë së Veriut tha se vendet e rajonit nuk mund të presin sa plotësohen kushtet e brendshme të Bashkimit Europian.

“Liria e lëvizjes së njerëzve, mallrave, kapitalit dhe shërbimeve. Qëllimi është të mos ketë ndalje në kufi mes Serbisë, Maqedonisë së Veriut e Shqipërisë, dhe në të ardhmen shpresojmë edhe më gjerë. Dëgjuam apelin e bizneseve të rajonit dhe nisëm hapat e eliminimit ose pakësimit të procedurave administrative. Kjo do ta bëjë Ballkanin më tërheqës si treg. Moshapja e negociatave dhe mos liberalizimi i vizave në Kosovë, është kundër parimeve të vetë BE. Prandaj ne nuk mund të presim të zgjidhen problemet e brendshme të BE. Ne do të presim kur BE të jetë gati, por duke pasur nismat tona të përbashkëta ekonomike”, tha Zaev./ Opinion.al

Pas