Presidenti i serb, Aleksandër Vuçiç është shprehur se në takimin e ardhshëm me homologun e tij francez, Emanuel Macron, do i kërkoj mbështetje për projektin e “Mini- Shengenit Ballkanik”.
“Unë pres që të marr mbështetje për projektin “Mini-Shengenin. Unë jam mirënjohës për amerikanët që mbështesin këtë projekt, shpresoj se do të marrim edhe mbështetjen e Macron, sepse pa këtë do të jetë e vështirë të marrësh mbështetjen e Evropës”,-ka thënë Vuçiç.
Në një intervistë për RTS, Presidenti i Serbisë, tha se ai nuk i zhvlerëson idetë e Macron, siç bëjnë të tjerët.
“Ai ka energji të jashtëzakonshme dhe nëse një pjesë e asaj që ai po fliste mund të realizohej, unë mendoj se do të ishte një lajm i mirë për Serbinë. Dua të dëgjoj prej tij tet-a-tet atë që mendon dhe pastaj mund të bëjmë disa plane për të ardhmen. Unë nuk do ta nënvlerësoja idetë e tij dhe t’i zhvleftësoja ato siç bëjnë të tjerët. Unë dua të flas edhe për këtë iniciativë. Do ta pyes dhe do të kërkoj mbështetje, sepse nëse e kemi, do të krijojmë kushte krejtësisht të reja dhe kjo do të ishte një nga burimet tona të rritjes së përshpejtuar vitet në vazhdim. Mund të mos kemi pasur kurrë biseda më të rëndësishme me Macron,”-tha Vuçiç./ Opinion.al
