Është zbardhur dëshmia e policit të cilit dy ditë më parë iu vendos lëndë plasëse në automjet në garazhdin e një pallati në Kavajë.
Sipas “news 24” punonjësi i policisë ka deklaruar përpara autoriteteve se nuk ka konflikte dhe dyshon se ngjarja mund të ketë ndodhur për shkak të detyrës. Lënda plasëse, e cila dyshohet se ka qenë rreth 80 gr ishte montuar në pjesën e poshtme të makinës dhe shpërthimi dyshohet se u bë me telekomandë.
Ndërkohë policia po heton në dy pista e para lidhet me detyrën, ndërsa pista e dytë lidhet me konfliktet që mund te ketë pasur efektivi i qarkullimit rrugor Lulzim Muça.
Po ashtu mësohet se garazhi ku ishte parkuar automjeti i efektivit nuk kishte kamera sigurie, dhe policia ende nuk ka autorë te dyshuar për ngjarjen.
