Të mërkurën në orën 10:00 protestohet përpara Kryeministrisë. Janë minatorët ata që kërkojnë miratimin e statusit të minatorit, një premtim i pambajtur ky nga qeveria.
Protesta u lajmërua nga Konfederata e Sindikatave te Shqiperise, e cila shprehet se “duke pare neglizhencen e qeverise shqiptare lidhur me statusin e minatorit, miratimi i te cilit vijon te zvarritet pa shkak, diten e mekure date 6 qershor 2018 organizon proteste perpara kryeministrise”.
Sipas tyre, protesta është hapi i parë, pasi nëse kerkesat nuk merren parasysh ish-minatoret do te nisin greve urie.
Ne muajt e fundit disa minatore kane nderruar jete ne minierat e Bulqizes, e sot qe flasim asnje pronar galerie nuk gjendet prapa hekurave.
“Kjo per faktin e thjeshte se ata gezojne mbrojtje politike ne Tirane, vecmas nga elemente te partise simbol te tepsise. Prej 2 dekadash statusi I minatorit mbetet nje premtim ne leter, e sa here vijne zgjedhje hidhet ne qarkullim, e me pas lihet ne harrese”, thuhet në deklaratën e Konfederatës.
“Djersa e minatoreve shqiptare nuk do te perdoret me kurre si fasade nga klasa politike, qe vec statusit te minatorit po mban peng edhe integrimin e vendit. Pjesemarres ne protesten e se merkurres do te jene minatore nga mbare vendi. Kam nje apel per partite politike, nuk ju duam ne proteste, pasi statusi I minatorit nuk eshte per konsum politik ditor, por nje ceshtje madhore, se ciles do ti shkojme deri ne fund”, thuhet më tej.
